भारतीयांसाठी इंटरनेटवर ‘सेक्स’ बंदी!
‘ कामसूत्रा ‘ च्या माध्यमातून सा-या जगाला सेक्सचे धडे देणा-या भारतात आजही हा ‘ विषय ‘ खुल्या मनाने स्वीकारला जाताना दिसत नाही. म्हणूनच याहू आणि मायक्रोसॉफ्टसारख्या इंटरनेट कंपन्यांनी भारतातल्या युझरसाठी गुप्तपणे फिल्टर लावले आहेत.
गेल्या महिन्याभरात याहूने आपल्या सर्च इंजिनमध्ये, याहूच्याच फ्लिकर या फोटोशेअरिंग साइटमध्ये तसेच मायक्रोसॉफ्टने आपल्या बिंग या सर्च इंजिनमध्ये केलेल्या बदलामुळे सेक्सविषयक मजकूर वगळला जाणार आहे. अश्लीलतेला आळा घालणा-या माहिती तंत्रज्ञान कायदा-२००० च्या आधारे हे बदल करण्यात आल्याचे या कंपन्यानी म्हटले आहे.
भारताप्रमाणेच सिंगापूर, हाँगकाँग, कोरिया या आशियाई देशांमध्येही ही बंदी लागू होणार आहे. एकीकडे या मोठ्या कंपन्यांनी ही सेक्सबंदी सुरू केली असली तरी त्यातून पळवाटा निघणारच नाहीत, याची खात्री मात्र कोणालाच देता येत नाही.
आपण बेजबाबदार पणे वागू लागलो आहोत असं अनुभवास येत आहे. ‘ कामसूत्रा ‘ च्या माध्यमातून सा-या जगाला सेक्सचे धडे देणा-या भारतात आजही हा ‘ विषय ‘ खुल्या मनाने स्वीकारला जाताना दिसत नाही अस्ं आपण म्हणता . पण या माहितीचा उपयोग योग्य रितीने करण्याची इच्छा जनमानसात नाही असं वाटत नाही कां ? नेट्वर अशी माहिती बेजबाबदार लोकांच्या हाती पडणं ठिक वाटत नाही.त्यामुळे बंदी आहे ते उलट चांगले आहे असं आता मला वाटतंय. अशा माहितीचा मनावर आणि मग देहावर आणि नंतर समाजावर अतिशय वाईट परीणाम होत आहेत असं दिसून येत आहे.परीणांमी हिंसाचारात वाढ होत आहे.